Hopeless

原來已經很久沒有寫BLOG了，剛剛過了很困難的一天，滿肚子都是眼淚，卻無從細訴。 唯有靠BLOG來聽聽我苦水吧。 近來總是諸事不順，工作上有機會才說，感情上也到達了樽頸位，前進不能，後退也無從。

我有一連串的無力感，我好想放棄..我好怕說話，怕我會做出我一生後悔的決定。今天我第一次認真地考慮，但當我望住他，我有千萬個不捨。 但我不知下次會如何，我真係好驚。 我好唔開心，我唔知道我們的前路該怎樣走或我們如何一起繼續走下去。 點算？

囍之影相日（3）～

離開石板街，我哋就番MONA LISA 喇！上到車，司機就問我哋想食咩做午餐！個時已經超肚餓，係飢餓個種！咁我同星仔就ORDER咗乾炒牛河，炒飯呀咁。 點知一碟要成$65，貴到亞媽都唔認得！ 算啦，學星仔話唔通唔食咩！

一路食一路補妝，SET 頭，天一路落大雨。原來早上化妝時都落過之後停咗仲唔熱。完成後居然有彩虹，青馬橋同彩虹，好開心呀，不斷說是姨丈保佑。攝影師立即幫我哋影咗幾張。 今次選了比較可愛的做型，有兩條辮仔嘅。之後行去馬灣公園，有好多好多對新人呀！ 要好似排隊咁一PAIR同一PAIR輪流影。

馬灣公園好熱同好焗，星仔成頭濕曬呀！個到都影咗好多靚相！之後出發到沙灘！首先攝影師問我哋要D咩STYLE 嘅相，我哋話要開心好玩嘅，唔洗形因為咁先似我哋。之後佢就邏咗好多道具，比塊黑板我哋要我哋寫D SWEET 嘢。 之前做RESEARCH都知要諗定，點知最後唔記得咗！ 不過星仔一邏起塊板就寫WEIRDGIRL，重用箭嘴指住我！我當然都好經咁寫YOUHAHA啦！ 係家喇，呢D傻奸奸嘅適合我哋呀！

攝影師要求我地做一連吋高難度動作，例如星仔要抱起我跑沙灘，要星仔追我，要玩水。。等等。 終於也影完沙灘。

cannot upload photos =.=~ i will add them tomorrow! bye~

囍之影相日（2）～

大約12點，我們出發到石板街喇！選石板街的原因是因為它超香港FEEL，我想我們的婚紗相有香港的感覺，將來掛在睡房內也有親切感。 （不過其實我係未去過石板街的！哈哈！）

落到車已經好墟撼！好多人望著我哋，當然啦著到咁隆重攤係條街到！開始時我覺得無什麼特別，可以應攝影師要求做POSE。 星仔呢就有D未WARMUP，奇奇怪怪咁， 哈哈！ 不過睇番我哋都有D生硬！

但係影個陣好SWEET呀，由其是要影對望相，星仔對著我微笑，超超超溫柔！我無講過，其實我係超喜歡星仔笑，一見到我就心都軟～ 影嘅過程都好開心，星仔應該都ENJOY 呱。

石板街有四PART我哋要影，第一真係石板街，第二上小小嘅大閘，第三監獄門口，第四影中環CYBER FEEL～ 那天，我表姐重專登嚟幫我影拍攝現場！ 超開心影咗好多靚相！

好！ 石板街完成拍攝我們翻上車時超多人恭喜我哋呀！好開心！ 下一站番MONA LISA 影沙灘！

囍之影相日（1）～

十一月十三日終於到了我同星仔影婚紗相的日子喇！一路以來都好想同星仔影，好靚好幸福嘛！星仔呢，當然遷就我，有幾次都話同我影。但係我又唔鍾意未結婚影，好似言不正，名不實。到決定結婚才影來留念嘛！

我們那天要10:30am 到達柏麗灣，所以要9:00am出門口！又要戴隱形眼鏡，差D遲！到達荃灣準備上巴士去柏麗灣，星仔才發現無帶黑鞋！真是暈了！唯有我先去化妝，反正應該要化很久！

誰不知，荃灣的巴士不是在MONA LISA門口落！落到車我這個路痴也找了不少時間。最終在1030am 趕到！ 但不是立即化妝啊！等到星仔來仲有時間吃個早餐才開始！（其實我係唔想食早餐，不過星仔迫我吃了幾口包喝了維他奶）。

開始化妝喇，化妝師 CLARA 好好人呀！有問我喜歡嘅顏色，化妝類型等。但係我都唔識化妝嘅，又無所謂，當然相信佢嘅專業意見啦！佢化個妝好靚呀，好SHARP，好適合我嘅。期間星仔有入嚟化妝間陪我，我知道佢係唔想我悶，想同我一齊經歷呢個過程！仲有我相信佢同一班新郎看電影好鬼悶，哈哈另願同我聊天～ 之後我地SET頭～ 哈哈我又無所謂，應該話我應該無專業咁勁，所以信曬佢。 之後我哋換衫！完成後我行出嚟，星仔一見我就嘩一聲，之後話「老婆，你好靚呀！」。哈哈，好SWEET！ 試影兩張DEMO後，我地出發到中環石板街！

新娘妝和型底星仔！

囍之選衫

哈哈，上回講到買好花球買好婚紗鞋。終於去到影結婚相最重要的選衫喇!! 其實之前上網都揀咗一D，但係都係要試下睇下好唔好。

那天我們先去中環去星仔喜歡的店舖，再去帕麗灣。帕麗灣好靚呀，有青馬橋好適合影婚紗相嘛！去到D員工就推D我上網選擇咗嘅比我。基本上係員工們會好快咁幫你更衣，你只要第高雙手，佢哋好PRO咁一二三幫你換好。之後會行出去比星仔睇，佢哋就影相等你之後可以挑選。

我哋個PACKAGE 有三套衫，我選了兩件婚紗一件晚妝。基本上，D衫唔係好靚，有D舊但係好乾淨。重因為我個PACKAGE已經UPGRADE 了所以可以選D靚D嘅衫（星仔可能是自己之前幫我UPGRADE 的？消息未經正實！）。

到星仔喇，佢基本上得兩套（黑同白）西裝，灰色靚D嘅要加＄500 EACH，所以佢好決絕咁話唔要。不消五分鐘，完成了！

Upload photos later~ ^^

綠色的界和粉紅色的殼～

今週終於回服正常喇，進度也不錯。希望一切順利！

還有一個月才到情人節，星仔已經送咗禮物喇。他說我早收到可以早D用！林詠琛的新書是前星期下了訂的，一早知道的情人節禮物。他還把禮物放入了一個大膠袋，萬分期待新書的我超開心地接過禮物，二話不說地看書！ 誰不知星仔走時要看看和用我的電話。 那時我的寶貝電話正充電中，超不願意的情況下UNPLUG了。哈哈，那傻瓜已經拿著個電話CASE，重幫我入埋！哈哈，原來我一路冇發現膠袋裏除書外有個粉紅色閃靚靚的CASE！ 就係咁我個寶貝電話有新衫，又完成了情人節禮物！Thank you <3~

寫不到的壽司

星仔呢，看完之前個POST話我寫得佢好好喎，又話其實佢真人冇咁好喎 （下刪1000字）。 我覺得我只是紀錄事實嘅真相，到將來佢變了我有真憑實據堅話佢變咗，係咪好勁呢？不過星仔好錫我，我一向也清楚喇～ 近來佢好加油就係為了我地結婚，我地的將來，我係知道同係開心的因為佢好認真地對待我們的將來！ 哎，我都想幫輕佢。

十二月時呢，我心情好不穩定，同星仔經常吵架，我更唔相信佢話懷疑佢，大吵大鬧，星仔好傷心。一次我哭著和他說，其實我真係好愛佢家，我從未試過那麼愛一個人，好想和佢有將來。星仔緊抱著在耳邊同我講「我只是愛你一個，I LOVE YOU FOREVER！」。好感動啊，所以之後我繼續哭。哭完之後我問佢「咁永遠有幾耐？」佢為免踩屎所以冇答。之後我再無質疑佢對我嘅愛喇，每日都好乖咁生活下去。（完）

PS：原本我係想寫我今天吃壽司的。。OH NO～

囍之婚紗相前夕

影婚紗相前夕，出奇地沒有想像中的興奮。有很多鎖事要去處理（其實得花球同鞋），要安排什麼時間去買花球？去那裡買？真花還是假花？顏色要什麼？什麼花？

雖然香港前已經做了粗略RESEARCH，表姐已經向我報導了一切平靚正的消息，知道大約價錢。要粉紅色玫瑰花，顏色以的粉色為主，星仔也喜歡紫色嘛。但是依然有點擔心嘛。

落著雨到達金都！有小小興奮，首次面對自己是一個新娘子！一入門口已經見到對好平好靚嘅鞋，同自己講睇多幾間先！花球沒有什麼大驚奇，有靚嘅不過貴小小。我終於都擇到個好靚嘅，拿上手重有「這就係我個花球嘅感覺！」不過好貴呀，超哂BUDGET！星仔話難得我喜歡，超就超喇一生人一次，重話佢想佢個新娘開開心心添～

有STITCH的襟花又可以MATCH我個花球的顏色，星仔喜歡所以買了。哈哈星仔都要開心嘛！

好HAPPY地離開舖頭，買埋門口對鞋！尺碼JUST FIT，款式簡單又高貴！哈哈，原價好貴不過得番一對，由499減到200！哈哈！任務成功！

那些年

最近在看「那些年」，驚喜地有很大的共鳴。 不是在於男女的愛情故事，而是青春，那一群人有著無限的時間，擁有全世界般不顧一切地笑著嬉戲著。那時我們愛扮大人地戀愛，最後發現我們甚麼愛情是甚麼樣也不知道。那時我們的復原力很好，錯敗也可鬆容面對。很掛念那些無憂無慮的日子，每次看到一群年青人吵鬧著便羨慕得很，那些年我們也是這個樣子。

慶幸我擁有過青春，與友人渡過了無數瘋狂的年頭，沒有甚麼遺憾，尚算幸福吧？不過也真的很掛念當年我的笑臉，那神采真的一去不反。

近幾天不斷問自己，要是有平衡時空我和那個他會幸福嗎？最後得出的答案是，那時空應該會羨慕我和星仔吧？看來沒有錯過了什麼。

不過那歌曲的確令我有點感動。