囍之求婚記

終於寫到求婚記喇！七月一日，我哋兩個去了一個小旅行！基本上我們差不多每個長假期都出外跑一趟。今次遲了少許出發，揸了七個鐘去MONTREAL！那天亦係WILLIAM AND KATE 嚟MONTREAL 的日子，嘩，多人到呢！

今次住嘅酒店超靚超HIGH TECH！好適合年青人住。一入到房已經譁譁聲！ 心諗星仔咁大手筆，酒店咁大咁靚，好有蜜月FEEL～

床超靚超大，係我喜歡嘅STYLE。

洗手間同浴室係透明的，沖涼嘅出面個位係睇到哂！

休息下看下電視，我們出發去吃晚飯！星仔知道我喜歡食糖，所以通常都有糖係身。行行下，我想食咪睇下佢手袋有冇，誰知佢竟然好惡咁問我做咩！已經有點不爽！佢平時好溫柔O家！

去了一間日本餐廳叫KAZU，新派日本菜！食飽飽，行了一會DOWNTOWN，決定番酒店休息！酒店大堂晚上好靚，藍色嘅燈。 星仔提議叫人幫我哋影張相，酒店個姐姐好識做哋立即幫我哋影！重影到靚為止！

番到上去，星仔叫我開門。嗱！有別於平時嘅佢，佢通常開好門比我入去嘛！作反啦！！！

一開門，發現有一條用紅玫瑰花瓣做嘅花路。帶我入房，之後我發現床頭有一盤好大嘅紅玫瑰！超大！我發了傻咁話，嘩嘩嘩，好靚呀好浪漫呀！！諗起都覺失禮。。=w=

我就另轉頭問在傻笑嘅星仔，「點解嘅？」星仔居然答「因為我要求婚喇！！」 之後好輕挑又搖下佢手上那紅色盒跪低話「嫁比我啦！」超搞笑，我又竟然答佢 「好呀！」。。。 星仔就張佢隻鑽石戒指幫我戴上，點知戴錯手指！ 我話「係另一隻」星仔就『OOOPS！』地幫我戴番去第四隻手指。

之後星仔指住床上，原來有好多枝玫瑰花切成的MARRY ME！ 星仔就緊抱我叫我老婆，我望住佢，原來我由細到大幻想嘅丈夫係佢。以後有佢保護我，唔洗怕喇！

事後星仔話那麼有99枝玫瑰花，係佢答承過我的。鑽戒也是佢在11月買的，款式我十分鍾意！ 代表INFINITY的！佢話現時未有能力買5卡戒指比我，不過佢會加油的。 其實好心甜喇，他記得我說過的一切又顧及我感受，足夠了！之前說5卡只是要他有動力嘛！

又說今次求婚策劃了好耐，要行動也不容易因為法國人不太懂英文。要定花也不容易，他們好像不懂去做中國人的花束！哈哈，只要是他送的我也覺得鍾意喇！就係咁完成了我由細到大幻想的求婚SCENE！

多謝你為我所做的一切，多謝你令我有一個美好又甜蜜的回憶。可以做你的妻子與你見證人生的高低起伏，嚐盡甜酸苦辣，是我畢生的福氣。我愛你，餘生請你指教。

我們的天下無雙，終於可用上。

給我信心　當我未如願　披雨戴風問寒送我暖
親切眼光　舒我亂和倦　從無更改心照總不宣

長長路中　走到那裏生命裏　有你我方找到生存來源
難行日子　不削我對生命眷戀
因有著你　跟我一起　親愛的你

一次也不　推說亂和倦　一次你都未曾去計算
給了再給　始了便無斷　無條件分擔各種辛酸

＊從前沒講　今次要說多謝你　我有你給的愛因而完全
　誰人是我　心裡至愛生命至尊
　都也是你　真了不起　親愛的你

＃若問世界誰無雙　會令昨天明天也閃亮
　定是答：你從無雙　多麼感激竟然有一雙我倆

Repeat ＊,＃

一世慶祝　整個地球上　億個背影但和你碰上
想說你知　整個地球上　無人可使我更想奔向